नेपाल पुनर्बीमा कम्पनीको लाभांश घोषणा
काठमाडौं, ४ वैशाख । नेपाल पुनर्बीमा कम्पनीले गत आर्थिक वर्षको मुनाफाबाट सेयरधनीहरुलाई वितरण गर्ने लाभांश घोषणा गरेको छ।
कम्पनीले हाल कायम चुक्ता पूँजीको ५ प्रतिशत लाभांश वितरण गर्ने घोषणा गरेको हो। सोमध्ये ४ दशमलव ७५ प्रतिशत बोनस सेयर रहेको छ भने शून्य दशमलव २५ प्रतिशत नगद लाभांश (कर प्रयोजनार्थ) रहेको छ।
बैशाख ३ गते बसेको कम्पनीको सञ्चालक समितिको बैठकले सो दरमा लाभांश वितरण गर्ने निर्णय गरेको हो।
नेपाल बीमा प्राधिकरणबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।
