सिटिजन लाइफले गर्यो लाभांश घोषणा
काठमाडौं, २४ वैशाख । सिटिजन लाइफ इन्स्योरेन्सले २६ दशमलव ९८ प्रतिशत बोनस सेयर र १ दशमलव ४२ प्रतिशत नगद लाभांश (कर प्रयोजन) गरी कुल २८ दशमलव ४० प्रतिशत लाभांश घोषणा गरेको छ । यस कम्पनीको वैशाख २३ गते आइतबार बसेको सञ्चालक समितिको बैंठकले सेयर प्रिमियममा रहेको रकमबाट लाभांश दिने निर्णय गरेको हो ।
प्रस्तावित लाभांश नियामक नेपाल बिमा प्राधिकरण र कम्पनीको आगामी विशेष साधारण सभाले पारित गरेपछि वितरण हुनेछ । बोनस सेयर पश्चात यसको चुक्ता पुँजी ५ अर्ब रुपैयाँ पुग्नेछ ।
