निगमको जहाजको इन्जिन मर्मतमा ढिलाइ भएको सम्बन्धमा छानविन उप समिति गठन
काठमाडाैं, २८ वैशाख । नेपाल वायूसेवा निगमको 9N-AKX जहाजको इन्जिन मर्मतमा ढिलाइ भएको सम्बन्धमा वैशाख २३ गते निगमका कार्यकारी अध्यक्ष यूवराज अधिकारीको अध्यक्षतामा बसेको संचालक समितिको बैठकले संचालक समिति सदस्य व क्या सुधिर समशेर राईको संयोजकत्वमा पाँच सदस्यीय छानविन उपसमिति गठन गरेको छ ।
उक्त समितिलाई निगमको जहाजको इन्जिन Israel Aerospace Industry – IAI मा मर्मत संभार गर्न पठाएकोमा समयमा नआएको र भाडाको इन्जिन समयमा नदिएको सम्बन्धमा छानविन एवम् अध्ययन गरी पन्ध्र दिनभित्र उपयुक्त राय सिफारिससहित प्रतिवेदन पेश गर्न कार्यादेश दिइएको छ ।
यसभन्दा अगाडि कार्यकारी अध्यक्ष युवराज अधिकारीबाट नेपाल वायूसेवा निगम र IAI बीच भएको सम्झौताबमोजिम कार्य गर्न र ढिलाइ भएकोमा क्षतिपूर्ति समेत दाबी गर्नु भनी मिति २०८० / ११ / २२ मा CAM Department लाई आदेश समेत भएको थियो । यस विषयमा मिति २०८१/१/१७ गते बसेको निगम कार्यकारी समितिबाट कार्यकारी अध्यक्षले दिएको आदेश बमोजिम पहिलेको इन्जिन V2500 S/N V17672 मर्मतमा भएको ढिलाई र अर्को इन्जिन V2500 5 / N V17679 Breakdown पश्चात सम्झौताको शर्तअनुसार समयमा दिन नसकेको विषयमा विस्तृत विश्लेषण गरी क्षतिपूर्ति दाबी गर्न CAM Department ले कार्य अघि बढाउने भनी निर्णय भए बमोजिम आवश्यक कार्य प्रारम्भ समेत भैसकेको छ ।
