आइतबार बढ्यो सुनचाँदीको मूल्य

काठमाडौं, ३० वैशाख । साताको पहिलो कारोबार दिन आइतबार सुनको मूल्य बढेको छ । नेपाल सुनचाँदी व्यवसायी महासंघका अनुसार आइतबार छापावाला सुनको मुल्य तोलामा ५०० रुपैयाँले बढेको हो ।

आइतबार छापावाला सुन प्रतितोला १ लाख ३८ हजार ४०० रुपैयाँमा कारोबार भएको छ भने तेजावी सुन प्रतितोला १ लाख ३७ हजार ७५० रुपैयाँमा कारोबार भइरहेको छ ।

त्यस्तै, आइतबार चाँदीको मूल्य प्रतितोला १० रुपैयाँका दरले बढेको छ । यस दिन चाँदी तोलामा १ हजार ७२५ रुपैयाँमा कारोबार भइरहेको छ ।