२३.८१ अंकले घट्याे नेप्से, ४ अर्ब ५७ करोडकाे काराेबार
काठमाडाैं, १६ जेठ । नेपाल स्टक एक्सचेन्ज नेप्से परिसूचक बुधबार दाेहाेराे अंकले घटेकाे छ । आज नेप्से परिसूचक २३ दशमलव ८१ अंकले घटेर २०८९ दशमलव ४२को विन्दुमा पुगेको हो ।
आज ४ अर्ब ५७ करोड ५० लाख रुपैयाँ बराबरको १ करोड ७ लाख कित्ता सेयर किनबेच भएको छ ।
बुधबार काराेबार भएकाे बजारमा १९१ वटाको मूल्य घटेको छ भने ५६ वटा कम्पनीको सेयर मूल्य बढेको छ ।
आज घटेकाे बजारमा युनिलिभर, कालिञ्चाके दर्शन, अप्पर लोहोरे खोला हाइड्रोपावर र भगवती हाइड्रोपावर गरी ४ कम्पनीको सेयर मूल्य १० प्रतिशतले बढेको छ ।
सरकारले मंगलबार प्रस्तुत गरेको आगामी बजेटबाट लगानीकर्ता असन्तुष्ट देखिएका छन् ।
