यस साता सुनकाे मूल्यमा नयाँ रेकर्ड, पाँच दिनमा ५ हजार ३ सयले महँगियाे सुन
काठमाडाैं, १९ जेठ । याे साता नेपाली बजारमा सुनकाे मूल्यले नयाँ रेकर्ड कायम गरेकाे छ ।सरकारले आगामी आर्थिक वर्षको बजेटमार्फत सुनमा थप ५ प्रतिशत भन्सार शुल्क बढाएसँगै नेपाली बजारमा सुनकाे मूल्य बढ्ने क्रमले निरन्तरता पाएकाे हाे ।
यस साता आइतबार स्थिर रहेकाे सुनकाे मूल्य साेमबारदेखि शुक्रबारसम्म लगातार बढेकाे हाे । याे साता साेमबार सुनकाे मूल्य ताेलामा ३००, मंगलबार ४००, बुधबार ६०० रूपैयाँले ङटेकाे थियाे । जेठ १८ बिहिबार प्रतितोला १७ सयले बढ्दै सुन मूल्यले नयाँ रेकर्ड कायम गरेको हो। यस्तै शुक्रबार पनि सुनकाे मूल्य १ हजार ७ सय रूपैयाँले बढेकाे हाे ।
गत आइतबार१ लाख ३६ हजार ९०० रुपैयाँमा स्थिर रहेकाे सुनकाे मूल्य शुक्रबार सम्म आइपुग्दा ५ हजार ३०० रूपैयाले बढेकाे छ । हिजाे शुक्रबार छापावाल सुन १ लाख ४२ हजार २०० र तेजावी सुन १ लाख ४१ हजार ५०० रूपैयाँमा काराेबार भएकाे छ ।
