१७.०४ अंकले घट्याे नेप्से, ५ अर्ब ४७ करोडकाे काराेबार
काठमाडाैं, २ असाढ । नेपाल स्टक एक्सचेञ्ज (नेप्से) साताको कारोबारको पहिलो दिन आज आइतबार दोहोरो अंकले घटेर बन्द भएको छ । आज नेप्से १७ दशमलव ०४ अंकले घटेर दुई हजार ९५ दशमलब २५ विन्दुमा बन्द भएको हो ।
नेप्सेमा आज १ कराेड ३२ लाख २३ हजार ८८४ कित्ता सेयर खरिदबिक्रि हुँदा ५ अर्ब ४७ करोड २२ लाख ५३ हजार रुपैयाँ बराबरको कारोबार भएको छ ।
आज कारोबार भएका कम्पनीमध्ये ६४ वटाको बढेको छ भने ११७ वटा कम्पनीको शेयरमूल्य घटेको छ । बाँकी ६ कम्पनीको शेयरमूल्य स्थिर रहेको छ ।
यसदिन नेपाल फाइनान्स लिमिटेडकाे सेयर मूल्य सर्वाधिक १० प्रतिशतले बढेकाे छ भने भगवति हाइड्रोपावर डेभलपमेन्ट कम्पनी लिमिटेडको शेयरमूल्य सर्वाधिक १० प्रतिशतले घटेकाे छ ।
