सेयर बजारमा झिनाे अंककाे गिरावट, ५ अर्ब ६६ करोडकाे काराेबार
काठमाडाैं, २ असाेज । साताको कारोबारको तेस्रो दिन आज सेयर बजारमा सामान्य अंकले घटेकाे छ । बुधबार सेयर बजार मापक नेप्से परिसूचक ४ अंकले घटेर २५७६ दशमलव ७६ को विन्दुमा पुगेको छ ।
आज ३२० धिताेपत्रका १ करोड ४० लाख ५२ हजार १ सय २१ कित्ता सेयर खरिद बिक्री हुँदा ५ अर्ब ६६ करोड ९१ लाख ९४ हजार ९ सय ६१ रुपैयाँकाे काराेबार भएकाे छ ।
यसदिन ७४ कम्पनीकाे सेयर मूल्य बढेकाे छ भने १६३ कम्पनीकाे घटेकाे छ । यस्तै ७ कम्पनीकाे स्थिर रहेकाे छ । आज बैंकिङ र निर्जिवन बिमा बाहेक सबै उपसमुह घटेका छन् ।
