सामान्य अंकले बढ्याे नेप्से, ७ अर्ब ९ करोडमा खुम्चियो कारोबार
काठमाडौं, ५ मंसिर । मंगलबार भारी अंकले गिरावट आएको सेयर बजार मापक नेप्से परिसूचक बुधबार सामान्य अंकले बढेको छ । हिजो ५१. ११ अंकले घटेको नेप्से परिसूचक आज ९.०९ अंक बढेर २७०११ अंकमा कायम भएको छ ।
आज बजार सामान्य बढे पनि कारोबार रकम भने घटेको छ । यसदिन तीन सय २३ वटा कम्पनीका एक करोड ५४ लाख कित्ता शेयर सात अर्ब नौ करोड रुपैयाँमा किनबेच भएको छ । हिजो १० अर्ब ४६ करोडको कारोबार भएको थियो ।
यस दिन १४३ कम्पनीको सेयर मूल्य वृद्धि भएको छ भने ८९ कम्पनीको सेयर मूल्य घटेको छ । ११ कम्पनीको सेयर मूल्य भने स्थिर छ ।
आज कर्पोरेट डेभलपमेन्ट बैंक, सिन्धु विकास बैंक, नेपाल हाइड्रो डेभलपर्स, सप्तकोसी डेभलपमेन्ट बैंक र महिला लघुवित्त वित्तीय संस्थको सेयर मूल्य १० प्रतिशतले वृद्धि भएको छ । गुराँस लघुवित्त वित्तीय संस्थको सेयर मूल्य भने १० प्रतिशतले घटेको छ ।
