कात्तिकसम्ममा १२ अर्ब ७१ करोड भन्दा बढीको बिजुली भारत निर्यात
काठमाडौं, ५ मंसिर । चालू आर्थिक वर्ष २०८१/८२ को पहिलो चार महिनामा १२ अर्ब ७१ करोड ९४ लाख ५९ हजार रुपैयाँ बराबरको बिजुली भारत निर्यात भएको छ ।
नेपाल विद्युत् प्राधिकरणले चालु आवकाे साउन–कात्तिकसम्ममा देशभित्र खपत गरी अतिरिक्त वर्षायामको १ अर्ब ६६ करोड ७८ लाख ९२ हजार युनिट विद्युत् भारत निर्यात गरेको हो ।
प्राधिकरणले भारतीय ऊर्जा एक्सचेन्जको ‘डेअहेड’ तथा ‘रियल टाइम मार्केट’ मा प्रतिस्पर्धी दर र द्विपक्षीय मध्यकालीन विद्युत् बिक्री सम्झौता बमोजिम औसत दर प्रतियुनिट ७ रुपैयाँ ६३ पैसामा हरियाणा र बिहार राज्यमा बिक्री गरिरहेको छ ।
