१९.९७ अंकले बढ्याे नेप्से, साढे १० अर्बकाे काराेबार
काठमाडौं, १७ मंसिर । सोमबार नेपाल स्टक एक्सचेञ्ज नेप्से १९.९७ अंकले बढेको छ। आज सेयर बजार मापक नेप्से परिसुचक ०.७२ प्रतिशतले बढेर २ हजार ७ सय ५८ बिन्दुमा पुगेको छ ।
आज नेप्सेसंगै कारोबार रकम पनि बढेको छ । यस दिन २ करोड ३० लाख ११ हजार ३६१ कित्ता सेयर १० अर्ब ५४ करोड १७ लाख ४६ हजारमा कारोबार भएको छ ।
हिजो १ करोड ६६ लाख ६३ हजार ३५५ कित्ता सेयर ८ अर्ब ५४ करोड ५२ लाख २५ हजारमा कारोबार भएको थियो ।
आज कारोबार भएको बजारमा १२६ कम्पनीको सेयर मुल्य बढेको छ भन १११ वटाको घटेको छ। यस्तै ७ सेयरको मूल्य स्थिर रहेको छ ।
यस दिन तारागाउँ रिजेन्सी होटल, विशाल बजार कम्पनी, खानिखोला हाइड्रोपावर कम्पनीको सेयर मूल्यमा सकारात्मक सर्किट लागेको छ भने जोसी हाइड्रोपावर डेभलोपमेन्ट बैंकको सेयर मुल्य ९.९९ प्रतिशतले बढेको छ ।
यस्तै नेपाल फाइनान्सको मुल्यमा नकारात्मक सर्किट लागेको छ ।
