मंगलबार ताेलामा १ हजार रूपैयाँले बढ्याे सुनकाे मूल्य
काठमाडौं, १८ मंसिर । नेपाली बजारमा मंगलबार सुनचाँदीको मूल्य बढेको छ । आज सुनको मूल्य तोलामा १ हजार रूपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको मुल्य प्रतितोला १ लाख ५० हजार ३ सय रूपैयाँ तोकिएको छ । हिजो छापावाल सुन प्रतितोला १ लाख ४९ हजार ३ सय रूपैयाँमा कारोबार भएको थियो ।
यस्तै आज चाँदीको मुल्य पनि तोलामा ३० रूपैयाँले बढेको छ ।सोमबार प्रतितोला १ हजार ८०० सय १५ रूपैयाँमा कारोबार भएको चाँदी आज प्रतितोला १ हजार ८ सय ४५ रूपैयाँमा कारोबार भइरहेको छ ।
