एडीबीले नेपाललाई २१ अर्ब २३ करोड रुपैयाँ बराबरकाे सहुलियतपूर्ण ऋण तथा अनुदान दिने
काठमाडाैं, २७ मंसिर । एसियाली विकास बैंक (एडीबी) ले नेपाललाई २१ अर्ब २३ करोड रुपैयाँ बराबर सहुलियतपूर्ण ऋण तथा अनुदान दिने भएको छ ।
बुधबार अर्थ मन्त्रालय र एडीबीबीच नवीनतम यान्त्रिक सिँचाइ आयोजनाका लागि १५ करोड ७० लाख अमेरिकी डलर (२१ अर्ब २३ करोड रुपैयाँ) बराबर सहुलियतपूर्ण ऋण र अनुदान सम्झौतामा हस्ताक्षर भएको हो ।
उक्त सम्झाैतामा अर्थसचिव डा रामप्रसाद घिमिरे र एडीबीका नेपालका लागि देशीय प्रबन्धक अर्नाउड कचोइसले हस्ताक्षर गरेका हुन् ।
यसमध्ये १ करोड ५० लाख डलर अनुदान र ११ करोड डलर बराबर ऋण सम्झौता भएको छ। यस आयोजनाबाट किसानले प्रिपेड कार्ड प्रणाली मार्फत उन्नत सिँचाइ प्रविधि प्रयोगबाट आफ्नो खेतको आवश्यकता अनुसार सिँचाइका लागि पहुँच प्राप्त गर्न सक्ने बताइएको छ ।
