कामना सेवा विकास बैंकको एघारौं वार्षिक साधारणसभा सम्पन्न, संचालक समितिको अध्यक्षमा सुदिप आचार्य चयन

काठमाण्डौँ, १ साउन । कामना सेवा विकास बैंक लिमिटेडको एघारौं वार्षिक साधारणसभा सम्मपन्न भएको छ । साधारणसभाले आर्थिक बर्ष २०७३÷७४ को नाफाबाट शेयरधनीलाई १२ प्रतिसत लाभाशं दिने प्रस्ताव स्वीकृत गरे संगै बैंकको चुक्तापूंजी रु २ अर्व ५० करोड २६ लाख ५५ हजार ५ सय १९ पुगेको छ ।

साधारणसभा पश्चात बसेको संचालक समितिको बैठकले सुदिप आचार्यलाई संचालक समितिको अध्यक्षमा चयन गरेको छ भने सुदिप आचार्य, भिम प्रसाद तुलाचन, चतुराखर अधिकारी, देवकृष्ण काफ्ले, बलराम बराल र विश्वेश्वर सुवेदी गरी ६ जना संचालकहरु निर्विरोध निर्वाचित गरेको छ । कार्यक्रममा बैंकको लाभाशंदर बृद्घी हुनुपर्ने, कारोबार विस्तार गर्दै काठमाडौं उपत्यका भित्र शाखा संजाल बृद्घी गर्नुपर्ने, खराब कर्जा कम गर्दै शेयरधनीहरुलाई उचित मुनाफा वितरण गर्नुपर्ने धारणा शेयरधनीहरुले राखे ।