राष्ट्रिय वाणिज्य बैंकले २ अर्ब रुपैयाँ बराबरको ऋणपत्र बिक्री गर्न अनुमति पायो
काठमाडाैं, १८ चैत्र । नेपाल धितोपत्र बोर्डले राष्ट्रिय वाणिज्य बैंकलाई २ अर्ब ५ करोड रुपैयाँ बराबरको ऋणपत्र निष्कासन गर्न अनुमति दिएको छ। अब बैंकले २५ लाख इकाई ऋणपत्र निष्कासन गरी बजारमा बिक्री खुला गर्नेछ। प्रत्येक ऋणपत्रको मूल्य १ हजार रुपैयाँ निर्धारण गरिएको छ र यसमा वार्षिक ब्याजदर ७ प्रतिशत तोकिएको छ।
यो ऋणपत्रको अवधि ७ वर्षको रहनेछ। बैंकले यसको बिक्रीमार्फत जुटाउने रकमलाई आफ्नो वित्तीय व्यवस्थापनमा उपयोग गर्ने योजना बनाएको छ।
ऋणपत्र निष्कासन र बिक्रीको प्रबन्धकको जिम्मेवारी सानिमा क्यापिटल लिमिटेडलाई दिइएको छ। यस योजनाले बैंकलाई थप वित्तीय स्रोतको व्यवस्था गर्नमा मद्दत गर्ने छ र लगानीकर्ताहरुलाई आकर्षक ब्याज दरको अवसर प्रदान गर्नेछ।
