सेयर बजारमा २५ अङ्कको वृद्धि, परिसूचक २७ सयको विन्दुमा
काठमाडौं, २० चैत्र । काठमाडौं । साताको कारोबारको तेस्रो दिन आज सेयर बजारमा दोहोरो अङ्कको वृद्धि भएको छ । आज नेप्से परिसूचक २५ दशमलव ३१ अङ्कले बढेर २७०१ दशमलव ४८ को विन्दुमा उक्लिएको छ ।
बुधबार ३१८ कम्पनीका ५३ हजार ४८४ पटकको कारोबारमा एक करोड ४ लाख ४२ हजार ६८३ कित्ता सेयर खरिद बिक्री भएको छ । जसमा कारोबार रकम ५ अर्ब ४४ करोड ४४ लाख ३५ हजार ९०१ रुपैयाँ रहेको छ ।
१६६ कम्पनीको सेयर मूल्य बढ्दा ७८ कम्पनीको घटेको छ । १३ उपसमूहमध्ये निर्माण र निर्जीवन बीमाबाहेक अन्यमा हरियाली छाएको छ । आज सीईडीबी होल्डिङ्समा लगानीकर्ता झुम्मिएका छन् ।
