मुक्तिनाथ विकास बैंकको शाखा सिन्धुलीको कमलामाईमा
काठमाडौं, २३ साउन । मुक्तिनाथ विकास बैंकले सिन्धुलीको कमलामाई धुराबजारमा शाखा कार्यालय संचालनमा ल्याएको छ । उक्त शाखाको कमलामाई नगरपालिकाका मेयर खड्ग वहादुर खत्रीले उद्घाटन गरेका हुन ।
सो कार्यक्रममा बैंकका प्रमुख कार्यकारी अधिकृत प्रद्युमन पोखरेलले बैंकको वर्तमान अवस्था र सेवा विस्तारमा बैंकले लिने भावी रणनीतिको बारेमा जानकारी गराएका थिए । बैंकले लिएको समावेशी वित्तीय पहुँच विस्तारलाई अझै विस्तार गरी लघुउद्यम तथा लघु व्यवसाय विस्तारमा जोड दिने पनि उनले बताए ।
मुक्तिनाथ विकास बैंक लिमिटेडले देशैभरी आफ्ना ९५ वटा शाखा, १५ वटा एटिएम मार्फत तीन लाख ७५ हजार ग्राहकलाई आधुनिक बैंकिङ्ग, लघुवित्त बैंकिङ्ग र ग्रामीण बैंकिङ्ग सेवाहरु प्रदान गर्दै आएको जानकारी दिइएको छ ।
