प्रतिपक्षी दलहरूले भेटघाट गरी गृहमन्त्री रमेश लेखकको राजीनामाको माग
काठमाडौं, १४ जेठ । विभिन्न प्रतिपक्षी दलहरूबीच नयाँ बानेश्वरस्थित संघीय संसद भवनमा गृहमन्त्री रमेश लेखक संलग्न भनिएको भिसा प्रकरण (भिजिट भिसा काण्ड) बारे छलफल चलिरहेको छ। राष्ट्रिय स्वतन्त्र पार्टी (रास्वपा) का एक सांसदका अनुसार उक्त बैठक अहिले पनि जारी छ।
प्रतिपक्षी नेताहरूको यो बैठक बुधबार तोकिएको संसद बैठकभन्दा अगाडि आयोजना गरिएको हो। मुख्य प्रतिपक्षी पार्टीका नेता पुष्पकमल दाहाल ‘प्रचण्ड’ ले बैठकको नेतृत्व गरिरहेका छन्। बैठकमा पूर्वप्रधानमन्त्री तथा एकीकृत समाजवादी पार्टीका अध्यक्ष माधवकुमार नेपाल, रास्वपाका कार्यवाहक संसदीय दल नेता विराजभक्त श्रेष्ठ, रास्वपा उपाध्यक्ष स्वर्णिम वाग्ले, एकीकृत समाजवादीका प्रमुख सचेतक मेटमणि चौधरी र आम जनता पार्टीका प्रभु साहलगायत नेताहरूको उपस्थिति रहेको छ।
यसैबीच, बिहान ११ बजेका लागि तोकिएको प्रतिनिधिसभा बैठक भने अहिलेसम्म सुरु हुन सकेको छैन।
