बिहीबार नेपाली बजारमा सुनचाँदीको मूल्यमा वृद्धि

नेपाल सुनचाँदी व्यवसायी महासंघका अनुसार आज छापावाला सुन प्रतितोला एक लाख ९२ हजार तीन सय रुपैयाँमा कारोबार भइरहेको छ। बुधबार भने सुन प्रतितोला एक लाख ९२ हजार रुपैयाँमा किनबेच भएको थियो।

यसैगरी, बिहीबार चाँदीको मूल्य पनि बढेको छ। महासंघका अनुसार आज चाँदी प्रतितोला दुई हजार एक सय ७५ रुपैयाँमा कारोबार भइरहेको छ। यो मूल्य अघिल्लो दिनको तुलनामा प्रतितोला ३५ रुपैयाँले बढेको हो। बुधबार चाँदी प्रतितोला दुई हजार एक सय ४० रुपैयाँमा कारोबार भएको थियो।