सम्हालियो सेयर बजार, निर्जीवन बीमामा भारी गिरावट
काठमाडौं, ५ असोज । गत बिहीबार तीन पटकसम्म नेगेटिभ सर्किट ब्रेक लागेको सेयर बजार आइतबार सम्हालिएको छ । सुरुवाती कारोबारका क्रममा आइतबार बजार बढेको छ । पहिलो एक घण्टामा नेप्से परिसूचक २२ अंक बढेको छ । यतिबेलासम्म ३ अर्ब ७२ करोडको कारोबार भएको छ ।
१५३ कम्पनीको मूल्य बढ्दा ९५ को घटेको छ भने ३ को स्थिर छ । कारोबारका क्रममा निर्जीवन बीमा समूहमा भारी गिरावट आएको छ । पहिलो एक घण्टामा निर्जीवन बीमा समूह सबैभन्दा धेरै ७.१ प्रतिशत घटेको छ ।
