ज्योति विकास बैंक नयाँ शाखा वालिङ र तानसेनमा
काठमाडौं, २४ मंसिर । ज्योति विकास बैंकले स्याङ्जाको वालिङ र पाल्पाको तानसेनमा नयाँ शाखा संचालनमा ल्याएको छ । तानसेन नगरपालिका वडा नं ४, तानसेन, पाल्पामा रहेको नयाँ शाखाको तानसेन नगरपालिका मेयर अशोक कुमार शाही र बैंकका संचालक नारायण प्रसाद पौड्यालले गरेका थिए ।
त्यस्तै वालिङ नगरपालिका वडा नं ८, वालिङ, स्याङ्जामामा रहेको नयाँ शाखाको पनि औपचारिक उद्घाटन वालिङ नगरपालिकाका मेयर दिलीप प्रताप खाँण र बैंकका अध्यक्ष हरि चन्द्र खड्काले गरेका थिए ।
हाल बैंकले ८१ वटा शाखा कार्यालय तथा २२ वटा एटिएम मार्फत सेवा उपलव्ध गराउँदै आईरहेको छ भने यसै आर्थिक वर्ष भित्र थप ९ वटा नयाँ शाखा तथा थप २७ स्थानमा एटिएम संचालनमा ल्याउने जनाएको छ ।
