मञ्जुश्री फाइनान्सले वितरण गर्ने लाभांश ९५ प्रतिशतबाट २.९५ प्रतिशतमा झर्यो
काठमाडौं, २५ मंसिर । मञ्जुश्री फाइनान्सले २.९५ प्रतिशत नगद वितरण गर्ने भएको छ । यसअघि घोषणा गरेको ९५ प्रतिशत नगद लाभांश दर घटाउदै कम्पनीले आफ्ना सेयरधनीहरुलाई २.९५ प्रतिशत मात्र लाभांश दिने भउको हो । कम्पनीले यसअघि गत वर्षको कमाईबाट ९५ नगद लाभांश वितरण गर्ने जनाएको थियो । तर, पूर्वघोषित सूचनामा अन्यथा भएको भन्दै मंगलबार सुचना प्रकासित गरि अब २.९५ मात्र नगद लाभांश वितरण मञ्जुश्रीले जानकारी दिएको छ । कम्पनीको असोज ५ गतेमै बसेको सञ्चालक समिति बैठकले ९५ नगद दिने निर्णय गरेको थियो । कम्पनीको एघारौं वार्षिक साधारण सभा पुस १६ गते हुँदैछ ।
यसै गरि कम्पनीको बार्षिक साधारण सभामा आर्थिक वर्ष २०७४–७५ को सञ्चालक समितिको प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव पनि छ । साधारण सभा प्रयोजनका लागि कम्पनीले पुस ३ गते बुक क्लोज गर्ने भएको छ । हाल मञ्जुश्रीको चुक्ता पुँजी ८० करोड ४० लाख ६० हजार रुपैयाँ छ ।
