राष्ट्र बैंकले आज १० अर्ब २३ करोडको ट्रेजरी बिल बोलकबोल गर्दै
काठमाडौं २ पुस। नेपाल राष्ट्र बैंकले सोमबार १० अर्ब २३ करोड रुपैँयाको ट्रेजरी बिल बोलकबोल गर्न लागेको छ । केन्द्रीय बैंकले ८ अर्ब २३ करोड रुपैँयाको ९१ दिने ट्रेजरी बिल र २ अर्ब रुपैँयाको ३६४ दिने ट्रेजरी बिल बोलकबोल गर्न लागेको राष्ट्र ऋण विभागले जनाएको छ ।
केन्द्रीय बैंकले यसअघि मंसीर २४ मा ५ अर्ब ५१ करोड रुपैँयाको ट्रेजरी बिल जारी गरेको थियो । जसको भारित औसत ब्याजदर भने २८ दिने ट्रेजरी बिलमा ०.००१३ प्रतिशत र ९१ दिने ट्रेजरी बिलमा ०.९३ प्रतिशत रहेको थियो ।
