आइएमई जनरलले ५ प्रतिशतका दरले बोनस सेयर दिने
काठमाडौं, १० बैशाख । आइएमई जनरल इन्स्योरेन्स कम्पनी लिमिटेडले ५ प्रतिशतका दरले बोनस सेयर दिने भएको छ । कम्पनीको बिहीबार बसेको सञ्चालक समिति बैठकले हाल कायम रहेको चुक्ता पुँजी ९७ करोड २० लाख रुपैयाँमा सो बोनस सेयर दिने निर्णय भएको हो ।
प्रस्तावित बोनस सेयर नियामक बीमा समितिबाट स्वीकृति भएपछि आगामी वार्षिक साधारण सभामा पेश गरिने छ । बोनसपछि चुक्ता पुँजी १ अर्ब २ करोड ६ लाख रुपैयाँ पुग्नेछ ।
