इन्टरनेटको मूल्यमा १३ प्रतिशत बृद्धि, व्यवसायीले तिर्ने कर उपभोक्ताबाट असुली गरिदै
काठमाडौं १ साउन । इन्टरनेट सेवा प्रदायकहरुले आजदेखि उपभोक्ताले तिर्ने इन्टरनेटको मूल्यमा वृद्धि गरेका छन् । भ्याटसहित १ हजार १ सय ३० रुपैयाँ बुझाउने उपभोक्ताले अब साउनदेखि भ्याटसहित १ हजार ३ सय ५६ रुपैयाँ बुझाउनु पर्नेछ। सरकारले लागू गरेको १३ प्रतिशत करको मूल्य कायम राख्दै इन्टरनेटमा लाग्ने शुल्कमा वृद्धि गरिएको सेवा प्रदायकहरुले बताएका छन् । सरकारले चालू आर्थिक २०७६/७७ को बजेटमा १३ प्रतिशत कर लगाउने भएपछि इन्टरनेट सेवा प्रदायक सङ्घले इन्टरनेटको मुल्य २० प्रतिशत सम्म बढन सक्ने बताइएको छ ।
सरकारले प्रस्तुत गरेको आर्थिक विधेयक २०७६/७७ मा ‘टेलिफोन, मोबाइल, इन्टरनेटजस्ता दूरसञ्चार सेवा उपलब्ध गराउने निकायले ग्राहकबाट लिने महसुलको १३ प्रतिशत रकम दूरसञ्चार सेवा दस्तुरबापत असुलउपर गर्नुपर्नेछ’ भनी उल्लेख छ। ब्यवासयीहरुले उक्त रकम सिधै उपभोक्ताबाट असुली गर्न खोजेका छन् । जसले गर्दा अनावश्यक मंहगीको भारमा उपभोक्ता पर्ने देखिन्छ ।
