आर्थिक बर्षको अन्तिम एक महिनामा मात्र १७ प्रतिशत विकास खर्च

काठमाडौं,१ साउन । सरकारले आर्थिक वर्ष २०७५/०७६ को अन्तिम महिना असारमा मात्रै ५८ अर्ब ४ करोड ७६ लाख रुपैयाँ विकास खर्च गरेको छ । यससगै जेठ मसान्त सम्म ४८.२३ प्रतिशत रहेको पूँजिगत खर्च ६५ प्रतिशत नाघेको छ । जेठ मसान्तसम्म जम्मा १ खर्ब ५१ अर्ब ४६ करोड रुपैयाँ मात्र पुजिगत खर्च गरेको थियो । गत आवमा विकासका लागि कुल ३ खर्ब १३ अर्ब ९९ करोड रुपैयाँ विनियोजन गरेको थियो । प्रतिशतका आधारमा पनि गत गत आवको अन्तिम महिना असारमा मात्र १७ प्रतिशत पूँजिगत खर्च भएको छ । जस अनुसार गत आवको असार मसान्त सम्ममा आइपुग्दा २ खर्ब १७ अर्ब ३४ करोड ७६ लाख रुपैयाँ खर्च भएको महालेखा नियन्त्रकको कार्यालयले जानकारी दिएको छ । महालेखा नियन्त्रकको कार्यालयका अनुसार गत आवमा विनियोजन भएको कुल पूँजिगत खर्च भेट्न अझै करिब १ खर्ब खर्च हुन सकेको छैन् ।

सरकारले गत आव २०७५÷०७६ कालागि विनियोजन गरेको कुल १३ खर्ब १५ अर्ब १६ करोड १७ लाख रुपैयाँको बजेट मध्ये चालु खर्च ( तलबभत्ता) तर्फ ८५ प्रतिशत, पुँजीगत खर्च (विकास निर्माण) तर्फ ७६ प्रतिशत र वित्तीय व्यवस्था (ऋण भुक्तानी) तर्फ ९१ प्रतिशत खर्च भएको अर्थमन्त्रालले बताएको छ ।