बेष्ट प्रिजेन्टेड एनुअल रिपोर्ट अवार्ड महालक्ष्मी विकास बैंकले पायो
काठमाडौं, ८ साउन । महालक्ष्मी विकास बैंकले बेष्ट प्रिजेन्टेड एनुअल रिपोर्ट (बिपिए) अवार्ड प्राप्त गरेको छ । नेपाली लेखा व्यवसायीहरुको नियमनकारी निकाय नेपाल चार्टड एकाउन्टेन्ट्स संस्था (आइक्यान)ले विकास बैंकहरुको तर्फबाट उक्त अवार्ड प्रदान गरेको हो ।
अर्थमन्त्री डा.युवराज खतिवडाले बैँकका प्रमुख कार्यकारी अधिकृत कृष्णराज लामिछानेलाई सो अवार्ड प्रदान गरेका हुन । यो सफलताको श्रेय ग्राहकवर्ग, नियमक निकाय, शुभचिन्तक एवं शेयरधनी महानुभावहरुलाई दिदैँ आगामी दिनहरुमा पनि यस्तै सफलता र भरोसाको आशा गरेको बैंक जारी विज्ञप्तीमा उल्लेख छ।
