मुक्तिनाथ विकास बैंकको संचालकमा पुर्व सिईओ ढकाल सहित ५ जना चयन
काठमाडौं, ३० मंसिर । मुक्तिनाथ विकास बैंकले नयाँ संचालक समिति चयन गरेको छ। बैंकको पोखरामा आज सम्पन्न १३ औं साधारण सभाले सर्वसम्मत नयाँ कार्यसमिति चयन गरेको हो ।
नयाँ सञ्चालक समितिमा भरतराज ढकाल, गजेन्द्र मान श्रेष्ठ, रविन्द्र मान श्रेष्ठ, निर्मला कुमारी के.सी. (कार्की) र शालिग्राम मिश्र रहेका छन् ।
ढकाल बैंकका पूर्व सिईओ हुन ।
त्यस्तै, साधारण सभाले सेयरधनीहरुलाई १८.५३ प्रतिशत लाभांश वितरण गर्ने प्रस्ताव पनि पारित गरेको छ। गत आर्थिक बर्ष ०७५÷०७६ को मुनाफाबाट १७.६० बोनस सेयर र सोको कर प्रयोजनार्थ ०.९३ प्रतिशत नगद लाभांश वितरण गर्ने प्रस्ताव पारित गरेको हो ।
