चालु आर्थिक वर्षको दोस्रो त्रैमासमा सनराइज बैंकको नाफामा १९.१२ प्रतिशतको बृद्धि
काठमाडौं, १६ माघ । सनराइज बैंकले चालु आर्थिक वर्षको दोस्रो त्रैमाससम्ममा ९४ करोड ४३ लाख रुपैयाँ खुद नाफा आर्जन गरेको छ । यो नाफा रकम गत वर्षको सोही अविधको तुलनामा १९.१२ प्रतिशत बढी हो । गत वर्ष ७९ करोड २७ लाख रुपैयाँ खुद नाफा आर्जन गरेको थियो ।
बैंकको खुद ब्याज आम्दानी र सञ्चालन नाफा बढेसँगै खुद नाफा बढ्न पुगेको हो । खुद ब्याज आम्दानी १८.९३ प्रतिशत र सञ्चालन नाफा १८.४२ प्रतिशतले बढेको छ।
त्यस्तै बैंकको प्रतिसेयर आम्दानी १ रुपैयाँ ६१ पैसाले बढेर २१ रुपैयाँ ०६ पैसा पुगेको छ । प्रतिसेयर नेटवर्थ १ सय ४२ रुपैयाँ २६ पैसा छ ।
निक्षेप संकलन ८२ अर्ब १५ करोड रुपैयाँ र कर्जा लगानी ७५ अर्ब ५८ करोड रुपैयाँ रहेको छ ।
