कोरोना रोकथाम कोषमा ग्रामिण विकास लघुवित्तद्वारा २८ लाख ५० हजार सहयोग

हरिश ढकाल
बुटवल, २९ चैत । बुटवलमा प्रधान कार्यालय भएको ग्रामीण विकास लघुवित्त वित्तीय संस्था लिमिटेडले सरकारले स्थापना गरेको कोरोना रोकथाम कोषमा २८ लाख ५० हजार रुपैयाँ जम्मा गरेको छ । संस्थाले नेपाल सरकारको कोरोना भाइरस संक्रमण रोकथाम, नियन्त्रण तथा उपचार कोषमा ११ लाख र सातवटा प्रदेश सरकारको कोषमा २ लाख ५० हजारका दरले १७ लाख ५० हजार रुपैयाँ रकम जम्मा गरेको हो ।

कोरोना संक्रमण रोकथाम, नियन्त्रण, उपचार तथा विपतमा परेका परिवारहरूलाई राहत वितरणमा सहयोग पु¥याउने उद्देश्यले सामाजिक उत्तरदायित्वअन्तर्गत सहयोग रकम उपलब्ध गराइएको संस्थाले जनाएको छ ।