‘कोरोना भाइरस संक्रमण रोकथाम तथा उपचार कोष’ मा सुनचाँदी ब्यवसायी महासंघको १५ लाख सहयोग
काठमाडौं, २५ वैशाख । नेपाल सुनचाँदी ब्यवसायी महासंघले ‘कोरोना भाइरस संक्रमण रोकथाम तथा उपचार कोष’ मा १५ लाख रुपैयाँ आर्थिक सहयोग उपलब्ध गराएको छ । महासंघले बुधबार प्रधानमन्त्री तथा मन्त्री परिषद्को कार्यलयका सचिव नारायणप्रसाद विडारीलाई सो सहयोग रकमको चेक हस्तान्तरण गरेको हो ।
बिश्वब्यापी महामारीकोरुपमा फैलिएको कोरोना भाइरस (कोभिड–१९) को रोकथाम तथा नियन्त्रणमा सहयोग पु¥याउने उद्धेश्यले सुनचाँदी ब्यवसायी महासंघका तर्फबाट यो सहयोग उपलब्ध गराइएको महासंघका अध्यक्ष मोहन कुमार सुनारले जानकारी दिए ।
त्यस्तै महासंघले बिश्वब्यापी रुपमा फैलिएको यस प्राकृतिक विपत्तिको समयमा विभिन्न जिल्ला तथा नगर संघ एवं एशोसिएटस् सदस्यमार्फत राहतका कार्यक्रमहरु सञ्चालन गरिँदै आएको महासंघका महासचिव धर्मसुन्दर बज्राचार्यले जानकारी दिए ।
