पहिलो त्रैमासमा कामना सेवा बैंकले २० करोडभन्दा बढी खुद नाफा गर्याे
काठमाडौं, २५ कात्तिक । कामना सेवा विकास बैकले चालु आर्थिक वर्षको पहिलो त्रैमासमा २० करोड १ लाख नाफा आर्जन गर्न सफल भएको छ । यो गत आर्थिक वर्षको सोही अवधिको तुलनामा ९७३ प्रतिशतको वृद्धि भएको हो । बैंकले गत आ.व.को यसै अवधिमा एक करोड ८७ लाख रुपैयाँ खुद नाफा कमाएको थियो । समीक्षा अवधिको तुलनामा खुद ब्याज आम्दानी र सञ्चालन नाफा क्रमशः ५२ प्रतिशत र २२३ प्रतिशतभन्दा बढी हो ।
बैंकले गैर सञ्चालन आम्दानी लगायत खुद व्याज आम्दानी र सञ्चालन आम्दानीमा समेत उल्लेख्य वृद्धि गर्न सफल भएको कारण बैंकको खुद नाफामा वृद्धि भएको हो । बैंकले असोज मसान्तसम्म ३६ अर्व ७२ करोड रुपैयाँ निक्षेप संकलन गरी २९ अर्व ९३ करोड कर्जा प्रवाह गरेको छ । जुन अघिल्लो आ.व.को सोही अवधिको तुलनामात्र क्रमशः ४४ प्रतिशत र ३६ प्रतिशत वृद्धि हो ।
हाल बैंकले १२४ वटा शाखा कार्यालय र ६६ वटा एटीएममार्फत सेवा दिँदै आएको छ ।
