श्रृजनशील लघुवित्तले दोश्रो वार्षिक साधारणसभाबाट प्राथमिक शेयर निष्कासन गर्ने प्रस्ताव पारित गर्ने

काठमाडौं, ९ पुस । श्रृजनशील लघुवित्त वित्तीय संस्था लिमिटेडले पुस २९ गते दोश्रो साधारणसभा आयोजना गरेको छ । कम्पनी सञ्चालक समितिको बुधबार बसेको बैठकले केन्द्रीय कार्यालय, गोलबजार सिराहामा बिहान ११ बजे सभा आयोजना गर्ने निर्णय गरेको हो ।

सभाले संस्थाको प्राथमिक शेयर (आईपीओ) निष्कासन गर्ने प्रस्ताव पारित गर्नेछ । त्यस्तै कुनै पनि वित्तीय संस्थासँग एक आपसमा गाभ्ने÷गाभिने तथा प्राप्ति समाहित हुने प्रयोजनको लागि उपयुक्त लघुवित्त वित्तीय संस्थाको पहिचान गर्ने, सहमतिपत्रमा हस्ताक्षर गर्ने र अन्य वित्तीय संस्थाहरुको शाखाहरु खरिद तथा प्राप्ति गर्ने लगायतका कार्यहरुसँग सम्बन्धित आवश्यक कार्यहरु गर्नका लागि सञ्चालक समितिलाई पूर्ण अख्तियारी प्रदान गर्ने प्रस्ताव सभाले पारित गर्नेछ ।