नेप्से परिसूचक ३१०८ विन्दुमा, १४ अर्ब २७ करोडभन्दा बढीको शेयर कारोबार
काठमाडौं, २४ साउन । साताको पहिलो कारोबार दिन नेप्से परिसूचक झिनो अंकले वृद्धि भएर बन्द भएको छ । नेप्से परिसूचक सामान्य अंकले वृद्धि भएर ३१०८.१३ विन्दुमा रोकिएको हो ।
आज २२७ कम्पनीको २ करोड ६९ लाख ३९ हजार कित्ता शेयर १४ अर्ब २७ करोड १२ लाख रुपैयाँमा खरिद विक्री भएको छ ।
६ वटा कम्पनीको शेयर मूल्यमा सकारात्मक सर्किट लागेको छ । आज कर्पाेरेट डेभलपमेन्ट बैंक, अपि पावर कम्पनी, युनिभर्सल पावर कम्पनी र जिवन विकास लघुवित्त वित्तीय कम्पनी लिमिटेडको शेयर मूल्य १० प्रतिशतले वृद्धि भएको छ । भने युनियन लाईफ इन्स्योरेन्स, न्याङ्दी ग्रुप पावर कम्पनी, कर्णाली डेभलपमेन्ट बैंक र चिलिमे हाइड्रोपावर कम्पनी लिमिटेडको शेयर मूल्य ९ प्रतिशतभन्दा बढीले वृद्धि भएको छ ।
आज अपि पावरको सर्वाधिक मूल्यको शेयर खरिद विक्री भएको छ । यो कम्पनीको ८१ करोड ९२ लाख रुपैयाँभन्दा बढीको शेयर खरिद विक्र भएको छ । अपिको शेयर मूल्य ६०७ रुपैयाँ कायम भएको छ ।
