गौतम बुद्ध विमानस्थलमा एक महिनामै फ्लाइट
काठमाडौ, १६ पुस । गौतम बुद्ध अन्तर्राष्ट्रिय विमानस्थलमा फ्लाइट एक महिनामै हुने भएको छ । नेपाल नागरिक उड्डयन प्राधिकरणका महानिर्देशक राजकुमार क्षेत्रीले जनवरीभित्रै क्यालिब्रेशन फ्लाइट हुने जानकारी दिएका हुन् ।
प्राधिकरणको २३औं वार्षिकोत्सवका अवसरमा उनले एरो थाइसँग क्यालिब्रेशनका फ्लाइट एक महिनाभित्रै गर्न सहमति भइसकेको बताए ।
उनले नयाँ अन्तर्राष्ट्रिय विमानस्थल संचालनमा ल्याउनका लागि आवश्यक क्यालिब्रेशन फ्लाइटको काम सकिएपछि अरु प्रक्रिया अघि बढ्ने उल्लेख गरे ।
भैरहवास्थित गौतम बुद्ध विमानस्थलको काम ९८ प्रतिशत सकिए पनि क्यालिब्रेशन फ्लाइट नहुँदा अरु प्रक्रिया अगाडि बढ्न नसकेको हो ।
