आज ताेलामा ११०० रूपैयाँले घट्याे सुनकाे मूल्य

काठमाडाैं, ३ जेठ । बुधबार नेपाली बजारमा सुनकाे मूल्य घटेकाे छ । मंगलबार प्रतितोला एक सय रुपैयाँ बढेको सुनको मूल्य आज एकैदिन तोलामा ११ सय रूपैयाँले घटेको नेपाल सुनचाँदी महासंघले जनाएको  छ ।

आज छापावाल सुन प्रतितोला एक लाख १० हजार रुपैयाँ र तेजाबी सुन प्रतितोला एक लाख नौ हजार पाँच सय रुपैयाँमा कारोबार भइरहेको महासंघले जनाएकाे छ ।

हिजाे मंगलबार छापावाल सुन प्रतितोला एक लाख ११ हजार एक सय रुपैयाँ र तेजाबी सुन प्रतितोला एक लाख दश हजार पाँच सय ५० रुपैयाँमा कारोबार भएको थियो।

त्यसैगरी, बुधबार चाँदीको मूल्य पनि घटेको छ। मंगलबार  प्रतितोला १३ सय ७५ रुपैयाँमा किनबेच भएको चाँदी आज  प्रतितोला १३ सय ७० रुपैयाँमा कारोबार भइरहेको छ।