एनआइसी एसिया बैंकको ‘धनवर्षा मुद्दती निक्षेप योजना’
काठमाडौं, २८ जेठ । एनआईसी एसिया बैंक लिमिटेडले सर्वाधिक उच्च व्याजदर सहितको मुद्दती निक्षेप योजना पुनः सञ्चालनमा ल्याएको छ । बैंकले मासिक रुपमा व्याज भुक्तानीको सुविधा सहित वार्षिक १२ प्रतिशत व्याजप्रदान गर्ने गरि ‘धनवर्षा मुद्दती निक्षेप योजना ’ संचालनमा ल्याएको हो ।
यस अघि पनि सञ्चालनमा ल्याएको सर्वाधिक उच्च व्याजदर सहितको धनबर्षा मुद्दती निक्षेप योजना ग्राहक माझ निकै लोकप्रिय बनेको बैंकले जनाएको छ । सो अवधीको ग्राहकहरुकोे आकर्षण र लोकप्रियताबाट उत्साहित हुँदै पुनः यस योजना सञ्चालनमा ल्याएका बैंकले जानकारी दिएको छ । यस पटक समेत धनबर्षा मुद्दती योजनाबाट बढि भन्दा बढि व्यक्तिगत एवम् संस्थागत ग्राहकहरुले लाभ उठाउने विश्वास बैंकले लिएको छ ।
यस योजना अन्तर्गत देशभर रहेका एनआईसी एसिया बैंकको कुनैपनि शाखाबाट जुनसुकै रकमको पनि मुद्दती निक्षेप खाताखोल्न सकिने छ । साथै एक बर्षको अवधिको लागी खोल्न सकिने यस मुद्दति योजनामा जम्मा गरिएको रकमको ८० प्रतिशत सम्मकर्जा सुबिधासमेत उपलब्ध गराउन सकिने बैंकले जारी गरेको प्रेस विज्ञप्तीमा उल्लेख छ।
