पहिरोका कारण नारायणगढ–मुग्लिन सडक खण्ड अबरुद्ध
चितवन, ११ असार । नारायणगढ–मुग्लिन सडक खण्डको विभिन्न स्थानमा पहिरो खस्दा बिहानैदेखि सवारी आवागमन अबरुद्ध भएको छ ।
गयराति परेको बर्षाको कारण सडकखण्डको जलवीरे, कालिखोला, चारकिलो र ३ नम्बर पुललगायतका स्थानमा पहिरो खस्दा सडक अबरुद्ध बनेको हो ।प्रहरीले पूरै पहिरो पन्छाउन अझैं केही घण्टा लाग्ने जिल्ला ट्राफिक प्रहरी कार्यालय, चितवनले जनाएको छ । अहिले पहिरो पन्छाउन काम भइरहेको छ ।
वर्षायाम लागेसँगै नारायणगढ–मुग्लिन सडकखण्ड अबरुद्ध हुँदै आएको छ । पहिरो रोकथामका लागि काम भइरहेको आयोजनाले बताए पनि प्रभावकारी हुन सकेको छैन । केही दिन अघिबाट मात्र मुङ्गलिन नारायणगढ खण्ड दिनभर संचालनमा आउन शुरु गरेको थियो ।
