आज एकैदिन ताेलामा २७ सय रूपैयाँले घट्याे सुनकाे मूल्य
काठमाडौं, ९ असार । आइतबार नेपाली बजारमा पुन सुचाँदीकाे मूल्यमा भारी गिरावट आएकाे छ । शुक्रबार ताेलामा ६०० रूपैयाँले बढेकाे सुनकाे मूल्य आज एकैदिन २ हजार ७ सय रूपैयाँले घटेकाे हाे ।
नेपाल सुनचाँदी व्यवसायी महासंघका अनुसार आज छापावाल सुनकाे मूल्य तोलाको १ लाख ४२ हजार रुपैयाँ र तेजावी सुनकाे मूल्य तोलाको १ लाख ४१ हजार ३०० रुपैयाँ निर्धारण भएकाे छ ।
गत शुक्रबार छापावाल सुनकाे मूल्य तोलाको १ लाख ४४ हजार ७ सय रुपैयाँ र तेजावी सुनकाे मूल्य तोलाको १ लाख ४४ हजार रुपैयाँ कायम भएकाे थियाे ।
यता आज चाँदी पनि ताेलामा ४५ रूपैयाँले घटेर १ हजार ८ सय १५ रूपैयाँ निर्धारण गरीएकाे छ । शुक्रबार चाँदी प्रतिताेला १८६५ रुपैयाँ काराेबार भएकाे थियाे ।
