स्रोत नखुलेको ६८ लाख नगद सहित ४ जना पक्राउ
काठमाडाैं, ४ पुस । अवैध रुपमा हुण्डी कारोबार संलग्न ४ जनालाई प्रहरीले काठमाडाैं महानगरपालिका वडा नं९ एयरपोर्ट शम्भुमार्गबाट पक्राउ गरेको छ ।
अवैध रुपमा हुण्डी कारोबार भई रहेको छ भन्ने विशेष सूचनाको आधारमा प्रहरी वृत्त गौशाला, काठमाडौंद्वारा स्रोत नखुलेको ६८ लाख नेपाली नगद र ५ थान चेक सहित ४ जना व्यक्तिहरूलाई नियन्त्रणमा लिएको हो ।
पक्राउ पर्नेमा काठमाडाैं ३२ का ४६ वर्षिय राजकुमार माली, काठमाडाैं १० नयाँ बानेश्वरका १८ वर्षिय आवाद सिंह, झापा विर्तामोडका २७ वर्षिय युवराज सुवेदी र झापा अर्जुनधाराका ३२ वर्षिय प्रवेश कुमार पौडेल रहेका छन्।
उनीहरूबाट प्रहरीले ६८ लाख रूपैयाँ, ५ थान खाली चेक, ५ थान माेबाइल र एउटा हुण्डाइ कम्पनीकाे क्रेता कार बरामद गरेकाे छ ।
उनीहरूलाई मुलुकी अपराध संहिता २०७४ संसोधित १२५(क) बमोजिम हुण्डी सम्बन्धी कारोबार गर्न नहुने कसूरमा प्रहरी वृत्त गौशालाबाट थप अनुसन्धान भइरहेकाे प्रहरीले जनाएकाे छ ।
