दशैंको सामान आयात गर्न केरुङ नाकामा चाप, १५ सय कन्टेनर नाकामा
काठमाडौं, १९ असोज । भूकम्पपछि तातोपानी नाका बन्द हुँदा चीनबाट गरिने सामान आयातको भार केरुङ नाकालाई परेको छ ।
छिमेकी मुलुक चीनबाट दशैंका लागि सामान आयात गरिएको कन्टेर अहिले रसुवाको केरुङ नाका हुँदै नेपाल भित्रिरहेका छन् । दैनिक ४० देखि ५० कन्टेर नेपाल भित्रिने गरेका छन् । दशैंका लागि आवश्यक लत्ताकपडा लगायतका सामानहरु उक्त नेपाल आयात गरिरहेको हिमालय सिमापार वाणिज्य संघका अध्यक्ष बच्चु पौडेलले जानकारी दिएका छन् ।
लत्ताकपडा, जुत्ता, लगायतका सामान आयातमा नेपाल चीनसँग बढि नजिक रहेको छ । विकासोन्मुख मुलुक नेपालका लागि चीनले पनि नेपालीको आयस्तर अनुसार नै सामान उत्पादन गर्ने गरेको छ । दशैं नजिकै आइसक्दा केरुङ नाकामा कन्टेनरको चाप बढेको पोडेलले बताए ।
तातोपानी नाकामा सुख्खा बन्दरगाह निर्माणको काम अन्तिम चरणमा पुगेको र आगामी दशैंसम्म दुवै नाकाबाट सामान आयात गर्न सकिने उनले जानकारी दिए ।
तातोपानी नाका बन्द हुँदा अहिले करिब १५ सय सामान बोकेका कन्टेनर केरुङ नाकामा रहेको छन् र दैनिक ५० सम्म कन्टेनर नाकाबाट नेपाल भित्रिने गरेका छन् ।
कन्टेनर नेपाल भित्रिन कुनै समस्या नरहेको पौडेलले जानकारी दिए । तर, अमेरिकी डलर बढेका कारण नेपाली मुद्रा कमजोर भएपछि त्यसको असर आयातीत सामानमा देखिने भन्दै दशैं बजार महङ्गो हुने उनको भनाइ छ । बढि मुल्य तिरेर नेपाल भित्रिएका सामानको मुल्य स्वतः बढ्ने छ । पेट्रोलियम पद्धार्थको मुल्य बढेका कारण पनि सामान आयात गर्दा ढुवानी पनि बढ्ने छ । यस्तै गत साता सरकारले बढाएको भन्सार मुल्यांकनको असर आयातीत सामानमा पर्ने छ । यसैकारण दशैं बजार महङ्गो हुने देखिन्छ ।
