Shangrila

सहस्राब्दी विकास लक्ष्य हाँसिल गर्न तीनै तहको सरकार लाग्नुपर्नेमा जोड

प्रदिप पौडेल
पोखरा, २२ असोज । सहस्राब्दी विकास लक्ष्य हाँसिलका लागि केन्द्र, प्रदेश र स्थानीय सरकारको आवधिक योजना, मध्यकालीन खर्च संरचना र वार्षिक विकासका लागि एउटै नीति बनाउन पोखरामा प्रदेशस्तरीय कार्यशाला सुरु भएको छ । राष्ट्रिय योजना आयोग र गण्डकी प्रदेश सरकारको आयोजनामा भएको कार्यक्रमको उद्घाटन समारोहमा गण्डकी प्रदेशका मुख्यमन्त्री पृथ्वीसुव्वा गुरुङले प्रदेशमा बजेट भए पनि खर्च गर्न नसकेको बताए । उनले बजेट कार्यान्वयन गर्न ऐन कार्यविधि र कर्मचारी नहुँदा सरकार गठन भएको झण्डै सात महिना पूरा हुँदा सम्म विकासको कामले गति नलिएको बताए ।

त्यस्तै राष्ट्रिय योगना आयोगका सचिव लक्ष्मण अर्यालले विकासको दीर्घकालीन सोच नभएकोले अब बन्ने योजना पूर्ण योजना बन्ने बताए । अबको योजना विगतका जस्ता नहुने विश्वास दिलाउँदै उनले नजितालाई सुनिश्चित गर्ने र गुणस्तर कायम गरी आमजनताको जीवनस्तर परिवतृन गर्ने खालको हुने उनले बताए ।

नेपालमा सन् २०१३ सालदेखि आवधिक योजना सुरु भएको जानकारी दिँदै उनले सन् २०३० सम्म लक्ष्य हाँसिल गर्नका लागि केन्द्र, प्रदेश र स्थानीय तहको एउटै विकास योजना सहित अघि बढ्नुपर्ने बताए । सो लक्ष्य पूरा गर्न सात वटै प्रदेशमा केन्द्र सरकारले एउटै योजनासाथ प्रदेश अनुगमन तथा मूल्यांकनको मस्यौदा प्रस्तुत गरेको छ । नेपालमा हाल १४ औं योजना लागू छ । त्रिवर्षीय सो योजनाको चालु आव अन्तिम वर्ष हो ।

 

Laxmi Bank

 

Leave a Reply

Your email address will not be published. Required fields are marked *