Shangrila

कृषि विकास बैंकमा प्रमुख कार्यकारी अधिकृतको खोजी, इच्छुकले १५ दिन भित्र आवेदन दिन सक्ने

काठमाडौं, १० मंसिर । कृषि विकास बैंकले प्रमुख कार्यकारी अधिकृतको लागि आवेदन माग गरेको छ। सरकारी लगानी रहेको बैंकले आइतबार प्रकाशन गरेको सूचना अनुसार इच्छुकले १५ दिनभित्र आवेदन दिन सक्ने छन् ।

त्यसका लागि व्यवस्थापन तथा अर्थशास्त्रमा स्नातकोत्तर उतिर्ण वा चार्टर्ड एकाउन्टेन्सी उत्तिर्ण गरी बैंकिङ क्षेत्रमा अधिकृतस्तर वा सो भन्दा माथिको पदमा १० वर्ष काम गरेको अनुभव हुनुपर्ने छ ।

त्यस्तै आवेदन दिँदा ५ हजार शब्दमा नबढाइकन व्यावसायिक कार्ययोजना समेत पेश गर्नुपर्ने छ । पदपूर्ति समितिले शैक्षिक योग्यता र पेश भएको व्यावसायिक कार्ययोजनाको आधारमा आवेदकहरुमध्येबाट ५ जनालाई छनौट गर्नेछ । उनीहरुको व्यवसायीक योजना प्रस्तुति गरेपछि राम्रो प्रस्तुति दिने ३ जनाको नाम सरकारलाई सफारिस गर्ने छ । सिफारिसमा परेका ३ जनामध्ये एक जनालाई सरकारले प्रमुख कार्यकारी अधिकृत नियूक्त गर्ने छ ।

बैंकका प्रमुख कार्यकारी अधिकृत लिलाप्रकाश सिटौला आफ्नो कार्यकाल सकिन लागेपछि बिहिबार देखि नै बिदामा बसेका छन् ।

 

 

Leave a Reply

Your email address will not be published. Required fields are marked *