एशियन लाईफको “दम्पती सुरक्षा प्लस (संयुक्त सावधिक)” जीवन बीमा योजना
काठमाडौं, २५ पुस । एशियन लाईफ इन्स्योरेन्स कम्पनीले “दम्पती सुरक्षा प्लस (संयुक्त सावधिक)” जीवन बीमा योजना ल्याएको छ । यो योजनामा एउटै बीमालेखबाट श्रीमान÷श्रीमती दुबैजनाको जोखिम बहन हुने कम्पनीले जनाएको छ।
त्यस्तै उक्त योजनामा ५० हजार देखि माथि जतिसुकै रकमको बीमा गर्न सकिने, ठूलो बीमाङ्कको बीमाशुल्क रकममा छुट सुविधा, दुर्घटना मृत्यु लाभ,स्थायी अपाङ्ग÷अशक्त सुविधा एवं बीमा शुल्क छुट सुविधा रहेको जनाइएको छ । यस बीमा योजना अन्तर्गत बीमा अवधि समाप्त हुने मितिसम्म दुबै बीमित जीवित रहेमा पूरै बीमाङ्क रकम र आर्जित बोनस, बीमा अवधि भित्र दुईमध्ये एक बीमितको मृत्यु भएमा बीमाङ्कको १०० देखि २५० प्रतिशत रकम भुक्तानी दिइने कम्पनीले जारी गरेको प्रेस विज्ञप्तीमा उल्लेख छ ।
हाल कम्पनीको अधिकृत पूँजी ५ अर्ब, चुक्ता पूँजी १ अर्ब २५ करोड रुपैयाँ रहेको छ भने कम्पनीको २०७५ असोज मसान्तसम्म १३ अर्ब ८८ करोड ८५ लाख रुपैयाँ बराबरको जीवन बीमा कोष रहेको छ ।
