साताको अन्तिम दिन नेप्सेमा ०.२० को गिरावट, ३१ करोडको कारोबार
काठमाडौं, १० माघ । साताको अन्तिम कारोबार दिन बिहिबार (आज) नेपाल स्टक एक्स्चेन्ज (नेप्से) सामान्य अंकले घटेको छ । उत्तार चढावका बीच नेप्से ०.२० अंकले घटेर ११७२.७८ अंकमा बन्द भएको छ।
नेप्सेमा सुचिकृत १० वटा समुह मध्ये ५ वटा समुहको परिसुचक बढेको छन् भने ५ वटा समुहको परिसुचक घटेको छ । परिसुचक बढेका समुहमा होटल समुह, विकास बैंक समुह, निर्जीवन बीमा समुह, उत्पादन तथा प्रशोधन समुह र अन्य समुह रहेका छन् भने घट्नेमा बैंकिङ्ग समुह, जलविद्युत समुह, फाईनान्स समुह, माइक्रो फाईनान्स समुह र जीवनबीमा समुह रहेका छन् ।
कुल १ सय ६२ कम्पनीको ३१ करोड रुपैयाँ भन्दा बढीको सेयर कारोबार भएको छ । त्यसमा सिटिजन्स इन्भेष्ट ट्रष्टको सबैभन्दा धेरै सेयर किनबेच भएको छ। त्यस्तै दोस्रोमा अपर तामाकोशी हाइड्रो पावर कम्पनी रहेको छ । सो दिन सबैभन्दा धेरै कनकाई विकास बैंकका लगानीकर्ताले कमाएका छन् भने गुमाउनेमा जनता बैंकको प्रमोटर सेयरलगानीकर्ता रहेका छन् ।
