घरेलु उद्योग महोत्सवमा शनिबारसम्म १० करोड बढीको कारोबार
काठमाडौं, २६ फागुन । काठमाडौंको भृकुटीमण्डपमा जारी १५ औं अन्तर्राष्ट्रिय औद्योगिक व्यापार मेला तथा घरेलु उद्योग महोत्सवको तेस्रो दिन शनिबारसम्म सवा १० करोड रुपैयाँ बराबरको कारोबार भएको छ । शनिबारसम्म मेलामा एक लाख ८७ हजार अवलोकनकर्ताले अवलोकन गरेका छन् ।
मेलामा विहीबार २० हजारले अवलोकन तथा ५० सवा करोडको कारोबार भएको थियो भने शुक्रबार ५० हजारले अवलोकन तथा चार करोड रुपैयाँको कारोबार भएको थियो ।
पाँच दिनसम्म चल्ने मेलामा २ सय ५ वटा स्टल रहेको छ । उपत्यका बाहिरका ५२ जिल्लाका ८० उद्योगहरु सहभागी छन् । चीन, भारत र वंगलादेश गरी ४५ वटा अन्तर्राष्ट्रिय स्टल रहेका छन् ।
