नबिल बैंकको निष्काशन गर्न लागेको ऋण पत्र व्यवस्थापनको जिम्मा लक्ष्मी क्यापिटललाई
काठमाडौं, १८ चैत । नबिल बैंकले जारी गर्न लागेको ऋणपत्र निष्काशन व्यवस्थापनको लागि लक्ष्मी क्यापिटल मार्केट लिमिटेडलाई नियुक्त गरेको छ । सो सम्झौतामा बैंकको तर्फबाट बैंकका प्रमुख कार्यकारी अधिकृत अनिल केशरी शाह तथा लक्ष्मी क्यापिटलका तर्फबाट लक्ष्मी क्यापिटलका प्रमुख कार्यकारी अधिकृत राजिव सापकोटाले हस्ताक्षर गरेका छन् ।
उक्त सम्झौता बमोजिम बैंकले निष्काशन गर्न लागेको २ अर्ब बराबरको ऋणपत्रको सार्वजनिक निष्काशन तथा व्यक्तिगत तवरमा विक्री कार्यको व्यवस्थापन लक्ष्मी क्यापिटलले गर्नेछ ।
नबिल बैंकले ७५ वटा शाखाहरुको सञ्जाल, १२८ वटा एटिएम र १५ सय भन्दा बढी नबिल रेमिट एजेन्टहरुबाट सेवा दिदै आएको छ।
