सप्तरीमा भएको आगलागीमा पाँच घर जलेर नष्ट
काठमाडौं, १९ जेठ। सप्तरीको बोदेबरसाइन नगरपालिका–३ स्थित गौराटोलमा गए राति आगलागी हुँदा पाँच घर जलेर नष्ट भएको छ ।
विद्युत सर्किट सट भएर भएको आगालागिबाट राशिन्द्र यादव, काशिन्द्र यादव, जयनारायण यादव, जागेश्वर यादव र ध्रुवकुमार यादवको एक–एक घर पूर्णरूपमा जलेर नष्ट भएको सप्तरी प्रहरीले जनाएको छ ।
आगलागीमा परी अन्नपात, लत्ताकपडा, भाँडावर्तन, पम्पिङ सेट, पक्षीसहित सरसामान जलेर नष्ट भएको छ । नेपाल प्रहरी, सशस्त्र प्रहरी, नेपाली सेना र स्थानीयवासीको सहयोगमा राजविराज नगरपालिका र शम्भुनाथ नगरपालिकाबाट गएको वारूणयन्त्रको सहयोगमा गए आगो नियन्त्रणमा लिइएको थियो ।
