एनआईसी एशिया बैंकको २ स्थानमा शाखारहित बैंकिङ सेवा सञ्चालन
काठमाडौं, २१ जेठ । एनआईसी एशिया बैंक लिमिटेडले दुई वटा शाखारहित बैंकिङ सेवा सञ्चालनमा त्याएको छ । बैंकले झापाको केचनाकवल गाउँपालिका वडा नं. १ को घेराबारी र स्याङ्गजाको आँधीखोला गाउँपालिका वडा नं. १ मा शाखारहित बैंकिङ सेवा सञ्चालनमा ल्याएको हो ।
घेराबारीमा सञ्चालित शाखारहित बैंकिङ सेवाको उद्घाटन बैंकका दमक क्षेत्रीय कार्यालयका सम्बन्ध प्रबन्धक विशाल घिमिरेले र पञ्चमूलमा सञ्चालित शाखारहित बैंकिङ सेवाको उद्घाटन पञ्चमूल गाउँपालिका –१ का वडा अध्यक्ष लोकप्रसाद ढकालले गरेका हुन् ।
साथै सो सेवाबाट बैंकिङ कारोबारको लागि स्थानीय बासीहरुलाई लामो दूरीसम्म हिंड्नुपर्ने बाध्यताको अन्त्य भई ग्रामीण र दुर्गम क्षेत्रहरुमा बैंकिङ कारोबारको विकास हुने विश्वास बैंकले लिएको छ ।
हाल बैंकले देशभर २ सय ८४ शाखा कार्यालय, २ सय ८९ एटीएम, ४२ वटा एक्स्टेन्सन काउण्टर र ३१ वटा शाखारहित बैंकिङ ईकाई मार्फत बैंकिङ सेवा प्रदान गर्दै आएको छ ।
