नेप्सेमा झिनो अंकको सुधार, सबैभन्दा बढी सेयर कारोबार शिवम् सिमेण्टको

काठमाडौं, २८ जेठ । साताको तेस्रो कारोबार मंगलबार (आज) सेयर बजारमा झिनो अंकको सुधार आएको छ । हिजो ८.७८ अंकले गिरावट आएको नेपाल स्टक एक्सचेन्ज (नेप्से)मा आज ०.१७ अंकले सुधार आई १२७५.९८ विन्दुमा रोकिएको हो ।

१ सय ७४ कम्पनीको १५ लाख ९ हजार ८८५ कित्ता सेयर खरिदबिक्री हुँदा ४८ करोड ८ लाख ७६ हजार ९८६ रुपैयाँको कारोबार भएको छ । सबैभन्दा बढी सेयर कारोबार शिवम् सिमेण्ट लिमिटेडको भएको छ । शिवम्को ३ करोड ७८ लाख रुपैयाँ भन्दा बढीको सेयर कारोबार भएको हो ।

त्यस्तै सबैभन्दा बढी कमाउनेमा पाँचथर पावर कम्पनी लिमिटेडका सेयरधनीहरु रहेका छन् । उक्त कम्पनीको प्रतिसेयर मूल्य ९.५२ प्रतिशतले बृद्धि भएको छ । सबैभन्दा बढी गुमाउनेमा नेपाल हाइड्रो डेभलोपर्स लिमिटेडका सेयरधनीहरु रहेका छन् । उक्त हाइड्रोको प्रतिसेयर मूल्य ९.६१५३९ प्रतिशतले घटेको छ ।

त्यसैगरी नेप्सेमा सूचिकृत १२ समूहमध्ये ६ समूहको उपसूचकमा बृद्धि आएको छ भने अन्य ६ समूहको उपसूचकमा गिरावट आएको छ । बैंकिङ्ग ०.२२ प्रतिशत, ट्रेण्डिङ ३.१४ प्रतिशत, विकास बैंक ०.२ प्रतिशत, हाईड्रोपावर ०.३९ प्रतिशत, माइक्रोफाइनान्स ०.२५ प्रतिशत र म्युचियल फण्ड समूहको ०.०५ प्रतिशतले उपसूचकमा बृद्धि आएको हो ।

त्यस्तै उपसूचकमा गिरावट आउनेमा होटेल ०२६ प्रतिशत, फाइनान्स ०.२१ प्रतिशत, निर्जीवन बीमा ०.८८ प्रतिशत, उत्पादन तथा प्रशोधन ०.५ प्रतिशत, अन्य ०.७१ प्रतिशत र जीवन बीमा समूह ०.०२ प्रतिशत रहेका छन् ।

Leave a Reply

Your email address will not be published. Required fields are marked *